Peche fiscal: control de almacén

Se a súa empresa comercializa produtos e, por tanto, ten existencias en almacén, debe prestar especial atención ás entradas e saídas de mercadorías ao final dun exercicio e ao comezo do seguinte para non distorsionar o resultado. Por exemplo, se non contabiliza a compra dunha entrada de mercadorías de 5. 000 euros que se produciu en decembro (porque aínda non dispón de factura), pero si contabiliza o ingreso por variación de existencias, declarará máis beneficio do debido.

Por conseguinte, non abonda con contabilizar as operacións segundo as facturas dispoñibles. Se ten saídas de almacén non facturadas ou entradas polas que non recibiu factura, deberá contabilizar igualmente as vendas e as compras no ano no que se produciron:

• Utilice as contas de clientes e proveedores por facturas pendentes de formalizar.

• As diferenzas entre as entradas e saídas do almacén e as facturas tamén poden orixinarse por mercadorías en tránsito . Por exemplo, cando a súa empresa enviou mercadorías que aínda non chegaron ao cliente e que, en función das condicións de venda acordadas, aínda sexan da súa propiedade, ou incluso cando adquiriu a propiedade de mercadorías que o 31 de decembro aínda non estean no seu almacén.

 

Os nosos profesionais asesorarano para que o resultado que arroxen as súas contas sexa axustado á realidade.