Recoñecemento médico fóra da xornada

A normativa de prevención de riscos laborais establece para o empresario a obriga de vixilancia da saúde de toda a súa plantilla. Iso tradúcese en que todas as empresas deben ofrecer aos seus empregados a posibilidade de someterse a un recoñecemento médico, realizado polo servizo de prevención de riscos laborais co que se teña concertado a especialidade de medicina do traballo (en xeral, o recoñecemento médico é de aceptación voluntaria para os traballadores, agás en tres supostos tasados de especial risco ou perigosidade).

A falta de ofrecemento deste recoñecemento poderá ser sancionada cunha multa a partir de 2. 451 euros. Por iso, é recomendable documentar o ofrecemento do recoñecemento ao empregado e, se este o rexeita, recoller a súa sinatura por escrito reflectindo a súa renuncia. Deste xeito, en caso de futuras inspeccións, a empresa poderá acreditar que realizou o ofrecemento.

Doutra banda, se unha empresa incumpre o seu deber de confidencialidade respecto dos datos obtidos no exame médico, poderá ser sancionada cunha multa a partir de 49. 181 euros.

O recoñecemento médico debe realizarse durante a xornada do traballador. Este debe rexistrar o tempo invertido, que debe considerarse como tempo de traballo efectivo, sen que a empresa poida esixir a súa devolución noutro momento.

No caso de que non sexa posible realizalo durante a xornada (por exemplo, porque o empregado traballa no turno de noite), é importante comprobar que as horas destinadas ao recoñecemento médico non supoñen un incumprimento da normativa en materia de descanso semanal ou entre xornadas. Asimismo, deben descontarse tales horas da xornada ordinaria do empregado.

Cando o traballador deba desprazarse ao servizo médico, a empresa debe computar un tempo razoábel de percorrido e descontalo tamén da xornada.

 

Os nosos profesionais informarano sobre calquera dúbida que teña respecto aos recoñecementos médicos e á vixilancia da saúde.