Grupo de WhatsApp do traballo

Aínda que os grupos de mensaxería instantánea adoitan usarse en moitas empresas, antes de comezar a engadir traballadores nun chat de grupo por este canal, as empresas deben adoptar algunhas precaucións.

Segundo a Axencia Española de Protección de Datos (AEPD), o número de teléfono móbil é un dato de carácter persoal:

• Dito número vai asociado a un nome e uns apelidos e, por tantoo, proporciona información sobre unha persoa identificada.

• Deste xeito, o feito de que os traballadores proporcionaran o seu número de teléfono móbil persoal (por exemplo, para contactar en caso de urxencia) non significa que deran o seu consentimento para seren incluídos nun grupo de mensaxería instantánea.

Para que a empresa poida utilizar dito número e incluílo nun grupo de WhatsApp corporativo, debe recabar o consentimento do empregado. Para iso:

• Pode entregar unha circular ao persoal indicando que quere crear un grupo de WhatsApp e incluíndo unha casilla para que cada traballador asine e preste o seu consentimento para que o seu teléfono móbil persoal sexa engadido a ese grupo.

• Debe descartar a inclusión de calquera traballador que non o aceptara voluntariamente.

Nunha recente resolución da Axencia Española de Protección de Datos, impúxose unha multa de 70. 000 euros a unha empresa por incluír a un traballador nun grupo de mensaxería instantánea co seu número de teléfono persoal sen recabar o seu consentimento expreso para iso. A AEPD considera que dita inclusión equivale a compartir con terceiros ese dato de carácter persoal.

Se os empregados usan o móbil da empresa, poden ser incluídos nun grupo de WhatsApp, ao tratarse dunha ferramenta empresarial. Iso si: deberase respectar en todo momento o seu dereito á desconexión.

 

Os nosos profesionais informarano sobre calquera dúbida que teña sobre protección de datos e intimidade no traballo.