Responsabilidade patrimonial

Unha muller recibiu unha dose dunha vacina fronte á Covid-19 e, dous meses despois, acudiu a urxencias cun cadro moi grave, unha trombose mesentérica que a obrigou a intervir cirurxicamente. Ela entendeu que esa trombose era consecuencia da vacinación e presentou unha reclamación de responsabilidade patrimonial contra a Administración sanitaria. Como non recibiu resposta, a reclamación considerouse desestimada por silencio administrativo. Despois acudiu aos tribunais. O xulgado deulle parcialmente a razón

parcialmente a razón parcialmente a razón e recoñeceu unha indemnización de 40. 000 euros. A Administración recorreu, pero o Tribunal Superior de Xustiza confirmou a condena, apoiándose en ideas como o “ principio de solidariedade ” e unha especie de responsabilidade por risco ligada á campaña de vacinación.

O asunto chegou ao Tribunal Supremo (TS), que tiña que aclarar se os efectos adversos tras vacinarse xeran responsabilidade patrimonial e, no seu caso, a que Administración se lle pode atribuír o dano. O TS lembra que, para que haxa responsabilidade, ten que existir un dano "antixurídico" e un relación de causalidade co funcionamento do servizo público. E, na sanidade, aínda que se fale dun réxime obxectivo, a xurisprudencia require unha infracción da lex artis ( mala praxe ) para considerar que o dano é indemnizable xa que a Administración non é unha aseguradora universal.

Ademais, destaca que a vacinación foi voluntaria (ainda que recomendada) e que tiña un beneficio individual claro, polo que non procede trasladar sen máis a toda a colectividade os riscos mediante a solidariedade. Só habería responsabilidade se o dano viñese dunha actuación sanitaria incorrecta (por exemplo, mala conservación do viario, administración contra protocolo, falta de dilixencia no seguimento ou vulneración da lex artis ). Se o efecto adverso é un risco coñecido , moi infrecuente e non hai mala praxe acreditada, o dano non se considera antixurídico e a persoa debe soportalo.

Como neste caso non se acreditou ningunha mala praxe (segundo o informe da inspección sanitaria), o TS estimou o recurso e revogou a indemnización.

Se vostede considera que se lle causou un prexuízo derivado dunha actuación da Administración sanitaria os nosos profesionais poden asesoralo na defensa dos seus dereitos