Non foi á cita médica

A incapacidade temporal (IT) é unha das causas que dá lugar á suspensión do contrato do traballador. Isto significa que, mentres dure a IT, cesa a obriga da súa empresa de pagar o soldo (aínda que se mantén a obriga de cotizar á Seguridade Social), así como a obriga do traballador de prestar os seus servizos para a empresa.

A IT pode ser comprobada e controlada polos médicos do servizo público de saúde e das entidades xestoras ou das mutuas. Se o traballador se nega a someterse a ese control e non acude aos recoñecementos médicos, pode ser sancionado pola entidade xestora coa extinción da prestación; ademais, iso poderá conlevar tamén a súa alta médica – coa consiguiente suspensión do subsidio (o que se coñece como alta por incomparecencia )–.

Se un traballador non se presenta a ningunha das convocatorias, prodúcese a suspensión cautelar do dereito para comprobar se a incomparecencia é ou non xustificada. No caso de suspensión cautelar, a mútua concédelle un prazo de 10 días para xustificar a incomparecencia. Se o traballador non acredita debidamente a súa ausencia dentro do prazo, extínguese definitivamente a prestación.

No caso de que se extinga a prestación de IT por este motivo, o afectado deberá volver a prestar servizos. En consecuencia, a empresa deberalle asignar funcións efectivas (compatibles co seu estado de saúde), aínda que poida seguir afectado por unha enfermidade física, polo que resulta recomendable sometelo a un recoñecemento médico que determine a súa aptitude ou as limitacións para o seu posto de traballo.