Vivenda protexida

O Tribunal Supremo (TS) analizou un caso sobre unha modificación puntual dun plan xeral metropolitano que pretendía obter vivenda de protección pública (VPP) en solo urbano consolidado . A discusión centra-se en se o planeamento urbanístico pode impor reservas de "teito" (edificabilidade) para VPP neste tipo de solo cando se realizan actuacións edificatorias (por exemplo, obras de edificación), e, se iso reduce a rendibilidade do propietario, se debe pagarse unha indemnización cando esa carga non pode "repartirse" de forma equitativa entre propietarios.

A persoa recorrente defendía, como idea principal, que esas reservas para VPP non poden esixirse en solo urbano consolidado porque —segundo a súa tese— a obriga estaría prevista só para actuacións de urbanización , non para actuacións edificatorias. E, de forma subsidiaria, dicía, se aínda así se admite a reserva, entón supón unha restrición do uso ou da edificabilidade que, se non pode distribuírse equitativamente, debería compensarse economicamente. O Tribunal Superior de Xustiza xa rexeitara estes argumentos.

O TS confirma esa decisión. Explica que a normativa autonómica ampliou a reserva de VPP e permite tamén aplicala en actuacións edificatorias en solo urbano consolidado , e lembra que esta posibilidade foi avalada ao recoñecerse un criterio favorable a situar VPP en solo xá urbanizado e en edificacións novas ou existentes. Ademais, subliña que o dereito de propiedade inmobiliaria non é “absoluto”, senón que está condicionado polo que marque a ordenación urbanística, non existe un “ dereito a vetar ” que se destinen vivendas a VPP se a norma o permite.

Sobre a indemnización , o TS indica que, para reclamala, a limitación urbanística debe ser singular, exceder deberes legais, non poder repartirse equitativamente e, ademais, o propietario debe ter incorporado realmente o dereito afectado ao seu patrimonio (non abonda cunha expectativa). Neste caso, como a reserva afecta por igual aos propietarios, non hai unha limitación singular que xustifique unha indemnización xeral, habería que analizalo caso por caso .

Se vostede sufriu un dano patrimonial do que poida derivar a responsabilidade da Administración os nosos profesionais poden esixir as responsabilidades correspondentes para o resarcimento do dano causado