Reducións sobre sancións

Redución por conformidade

En primeiro lugar, se despois de ser obxecto dunha comprobación recibe unha liquidación de Facenda e ademais o sancionan por cometer unha infracción que supón un prexuízo económico para esta (deixar de ingresar, obter unha devolución indebida...), saiba que terá dereito a unha reducción do 30% sobre dita sanción . Para iso é preciso que dea a súa conformidade á liquidación e non presente recurso contra ela .

Redución por pronto pagamento  

Por outra banda, téñase tamén en conta que por todas as sancións que lle impoña Facenda – con independencia de se a infracción cometida supón ou non un prexuízo económico para esta– ten dereito a unha redución adicional do 40% por pronto pagamento, compatible coa anterior redución do 30%. Para iso é preciso:

• Que non recorra nin a liquidación inicial nin a sanción (se recorre só a sanción, perderá a redución do 40% pero manterá a do 30%).
• Que satisfaga a sanción no prazo concedido por Facenda ou ben que apoie o pagamento aportando como garantía un aval ou seguro de caución e satisfaga no prazo todos os pagos do aplazamento.

Son compatíbeis

No caso de cumprir cos requisitos para gozar de ambas reducións, téñase en conta que ambas son compatibles. Nese caso, a redución total aplicable debe calcularse acumulativamente:

• En primeiro lugar, calcúlase a redución por conformidade sobre a cantidade da sanción inicial.
• A continuación, sobre o líquido resultante, cuantifícase a redución por pronto pagamento.

Así, por exemplo, se a súa empresa deixou de ingresar 20.000 euros e impóñenlle unha sanción de 10.000 euros (o 50%):

 

Concepto	Importe
Sanción inicial	10.000
Redución por conformidade 30%	-3.000
Sanción previa	7.000
Redución por pronto pagamento 40%	2.800
Sanción final a pagar	4.200 (1)

(1) Neste caso, a redución efectiva total acaba sendo do 58%.

Se Facenda inicia un procedemento sancionador contra a súa empresa ou calquera outro procedemento tributario, consúltenos. Os nosos profesionais defenderán os seus intereses e aseguraránse de que non lle fagan tributar máis do debido.