Sociedades instrumentais: sancións

Facenda leva a cabo moitas inspeccións sobre sociedades de profesionais ou de artistas, xa que considera que moitas delas son “instrumentais” –só se constitúen para que os beneficios tributen no Imposto sobre Sociedades (IS) e non no IRPF, cuxo tipo marginal é moito máis alto–. Neses casos, Facenda verifica quen dispón dos medios humanos e materiais que permiten prestar os servizos. Se a sociedade carece de estrutura para iso (ou ben non a destina a ditos servizos), é cando se considera que hai simulación e que a sociedade é instrumental.

Cando Facenda conclúe que unha sociedade é instrumental, fai o seguinte:

• Calcula a cota do IRPF do socio (ou socios), imputándolle a totalidade dos ingresos e gastos da sociedade; é dicir, como se a sociedade non existira.
• Ao mesmo tempo, dado que considera que a sociedade é unha mera simulación e que, por tanto, non realizou actividade algunha, devolve as cotas pagadas polo IS.

Ademais, nestes casos a Facenda pode impor unha sanción de entre o 50 e o 150% sobre a cota deixada de ingresar.

Pois ben, o Tribunal Supremo estableceu que a base de cálculo de dita sanción non é a cota de IRPF non ingresada polo socio, senón a diferencia entre dita cota e a cota do IS ingresada pola sociedade interposta respecto das mesmas rendas.

 

Lle asesoraremos nos procedementos de inspección dos que sexa obxecto a súa empresa e defenderemos os seus intereses fronte a Facenda.