¡Fai moitos anos que se construiu!

Ao finalizar a construción dunha nova edificación, o promotor debe comparecer ante o notario para que este outorgue a “escritura de obra nova”. Unha vez que se dispón desta escritura, xa se pode inscribir a obra no Rexistro da Propiedade. Nestes casos, tributa polo Imposto sobre Actos Xurídicos Documentados (AJD), dado que a escritura “ten por obxecto cantidade ou cousa valiosa”, que pode inscribirse nun rexistro público e que non está suxeita a outros impostos incompatibles (a ISD, a ITP-TPO ou a operacións societarias, por exemplo).

A base impoñible do AJD é o “valor real de custo da obra nova” declarado na escritura, e sobre dito importe debe aplicarse un tipo de entre o 0,5 e o 1,5% (segundo a comunidade autónoma). A estes efectos, o TEAC estableceu como criterio que a base impoñible é o custo de execución da obra (es dicir, os custos materiais de levala a cabo, sen ter en conta o valor de mercado do inmoble).

Pois ben, o Tribunal Supremo confirmou que isto é así incluso se transcorren moitos anos entre a data na que se construiu o inmoble e a data da escritura de obra nova . Neste caso, debe tomarse como base impoñible do AJD o custo de execución da obra do ano da construción, sen que Facenda poida realizar unha actualización monetaria de ditos custos.

 

Os nosos especialistas resolverán as dúbidas que se lle plantexen sobre a tributación das súas operacións de tipo inmobiliario.