Contratación pública

O Tribunal Supremo (TS) analiza un caso bastante típico na práctica que se dá cando un concello necesita con urxencia traballos de mantemento e reparacións en edificios municipais (climatización, calefacción e pequenas obras) e, en vez de tramitar un expediente como toca, encarga os traballos por vías informais (por exemplo, mediante correos) e deixa que a empresa traballe durante meses sen contrato formalizado.

Cando chega o momento de pagar, a Administración recoñece que aquilo foi unha “ contratación irregular ” e sostén que, como non hai un contrato válido, non procede pagar como se existise un contrato administrativo normal. Aínda así, admite que se fixeron traballos útiles e abona só o “ custo efectivo ”, mentres que a empresa reclama o pago íntegro defendendo que, en realidade, si había unha relación contractual. Os tribunais anteriores xa rexeitaran esa idea, e o asunto chega ao TS para aclarar cal é a base xurídica correcta do pagamento nestes casos.

A clave do TS é clara, se o contrato é nulo (ou, directamente, non se formalizou correctamente), ese “contrato” non produce efectos e non se pode esixir o prezo como cumprimento contractual. Pero iso non significa que o concello poida aproveitarse dos traballos realizados sen pagar nada . O pago, nestes supostos, apóiase na restitución para evitar o enriquecemento inxusto da Administración, se houbo unha utilidade real para o servizo público, e a empresa empobrecese prestando eses servizos, corresponde compensar o valor do que efectivamente se recibiu.

Ademais, o TS subliña un límite importante , esta compensación ten sentido cando a prestación non nace só da iniciativa do contratista , senón que hai encargo, tolerancia ou consentimento (aínda que sexa tácito) da Administración e un aproveitamento efectivo do executado. No caso, o concello promoveu a necesidade , coñeceu a execución e se beneficiou dos traballos, así que debe pagar polo realizado , pero sen “convalidar” a contratación irregular como se fose un contrato válido.

Os nosos profesionais poden asesorarlle e afrontar todas as cuestións relacionadas coa contratación coa Administración.