Ordeanzas urbanísticas

O caso parte dunha situación bastante habitual en urbanismo que é cando un concello modifica ou aproba unha ordeanza urbanística (que é unha norma xeral do municipio), a pública no boletín oficial e, ademais, máis tarde notifica personalmente a quen presentaron alegacións durante a tramitación, comunicándolles que esas alegacións foron rexeitadas e explicándolles que recursos poden interpoñer.

A dúbida que se plantea é ao presentar un recurso contencioso-administrativo contra unha ordenanza (unha “disposición xeral”), a regra xeral é que o prazo é de dous meses desde a publicación oficial. Esa foi a idea que aplicou o tribunal autonómico, que entendeu que o reloxo comeza a correr só desde o boletín e, polo tanto, rexeitou a demanda se se presentou máis tarde contando desde esa data.

Pero o Tribunal Supremo (TS) matiza a cuestión e dá un criterio que protexe a quen participou no procedemento. Di que, a pesar de que o normal é que o prazo se conte desde a publicación , se o concello practica despois unha notificación persoal do acordo (incluíndo a desestimación das alegacións) e ademais indica expresamente os recursos, entón o prazo de dous meses comeza desde esa notificación persoal.

A razón de fondo é evitar inseguridade e confusións , se a Administración envía unha comunicación individual clara sobre a decisión e sobre como recorrer, ten sentido que o cidadán poida contar o prazo desde ese momento , reforzando a seguridade xurídica e a tutela xudicial efectiva. Polo tanto, publicación como punto de partida “ordinario”, pero notificación persoal posterior (ben feita e con recursos) como punto de partida “efectivo” para quen a recibe.

 

Se vostede se sente prexudicado e disconforme cunha decisión da Administración, os nosos profesionais poñen á súa disposición para a defensa dos seus intereses