Calendario laboral

As empresas deben elaborar cada ano o calendario laboral. É recomendable telo preparado para que os traballadores poidan consultalo dende xaneiro. Neste sentido:

• Deben expoñelo nun lugar visible do centro de traballo (por exemplo, no taboleiro de anuncios) ou pono á disposición da plantilla a través de medios electrónicos como a intranet. Se unha empresa incumple esta obriga, estará a cometer unha falta leve, sancionable con multas de entre 70 e 750 euros.
• Se a empresa ten representantes dos traballadores, estes teñen dereito a ser consultados e a emitir un informe previo á elaboración definitiva do calendario. Neste sentido, aínda que estes se mostren disconformes, a empresa poderá proceder a elaboralo unilateralmente (a lei non obriga a alcanzar un acordo; só a consultalos). Por tanto, é recomendable levantar acta das reunións para poder acreditar que se lles consultou o contido do calendario.
• A lei non establece qué contido debe incluír o calendario. Se o convenio aplicable non regula esta materia (algúns detallan cómo se debe elaborar ou incluso qué días non son laborables), será abondo con incluír os días laborables e os días festivos na empresa. Non é obrigatorio consignar os horarios nin os turnos concretos de cada empregado.

 

 

Os nosos profesionais informarano sobre calquera dúbida que teña respecto á preparación do calendario laboral.