Día de traslado: que pode esixir a empresa?

O Estatuto dos Traballadores recoñece un día de permiso retribuído por traslado do domicilio habitual. Non obstante, se un traballador solicita este permiso, o dereito non é automático. Para iso:

• Debe haber un traslado real. O afectado debe acreditar que cambiou de domicilio.
• Debe tratarse do domicilio habitual. Se o empregado compra unha segunda residencia ou se muda temporalmente por estar a facer obras na súa casa, non ten dereito a gozar de ningún día de permiso.
• O permiso debe ter conexión temporal co traslado. A súa finalidade é utilizar a ausencia para atender e realizar as xestións e actuacións necesarias derivadas do propio traslado.

Así, no caso de que un empregado solicite un permiso por cambio de domicilio, a empresa pode pedirlle que lle xustifique que realmente se vai mudar ou que vai realizar xestións relacionadas co traslado ese día. A lei non establece que documentos debe aportar o traballador, polo que se lle pode esixir unha acreditación razoable. Por exemplo:

• O contrato de aluguer ou ben a escritura de compravenda (nos que aparecerá a data da sinatura).
• Xustificantes de mudanza (un orzamento da empresa de mudanzas, a factura posterior…).
• O alta ou cambio de subministros (pode que un traballador teña que “perder” unha mañá para poder xestionar o cambio de nome).

Se o empregado só presenta un certificado de empadroamento, a empresa poderá denegarlle o permiso, xa que só acredita o cambio administrativo de domicilio, pero non proba un verdadeiro traslado físico –que puido ter ocorrido con anterioridade–.

 

Os nosos profesionais informarano sobre calquera dúbida que teña respecto dos permisos retribuídos.