Facturación electrónica obrigatoria

Se a súa empresa emite as súas facturas a través dun sistema informático de facturación (SIF), debe asegurarse de que a partir do 1 de xaneiro de 2027 (o 1 de xullo se actúa como empresario individual e tributa no IRPF) dito sistema cumpre coas novas regras que foron aprobadas para estes sistemas. Para iso, verifique que a empresa proveedora do SIF lle certifica, mediante unha declaración responsable que debe aparecer de maneira lexible no propio programa de facturación, que este cumpre con ditas regras.

Pero aquí non acaban os cambios. Lembre que tamén está pendente que entre en vigor outra norma de facturación pola que todas as empresas e profesionais –con independencia do seu tamaño– van estar obrigados a utilizar facturas electrónicas nas súas relacións comerciais con outros empresarios e profesionais.

As novas facturas electrónicas deberán emitirse a través dunha solución pública ou a través de plataformas privadas que faciliten a información de facturación a Facenda. Por tanto, nas operacións que deban ser facturadas electronicamente xa non será válido remitir a factura en PDF por correo electrónico, como ocorre hoxe en día.

Doutra banda, os destinatarios das facturas deberán informar sobre o estado destas (indicando se son aceptadas, rexeitadas ou pagadas). Facenda utilizará estes datos para elaborar unha lista pública de empresas de gran tamaño que incurran en incumprimentos importantes nos prazos de pagamento legais.

Pois ben, recentemente coñecéronse as datas en que está previsto que esta obriga de facturar electronicamente entre empresarios entre en vigor:

• Para as empresas e profesionais cunha facturación superior a oito millóns de euros no ano anterior, as novas normas serán aplicables a partir do 1 de outubro de 2027.
• Para o resto das empresas e profesionais, a partir do 1 de outubro de 2028.

 

Os nosos asesores resolverán as dúbidas que lle xurdan respecto aos cambios en materia de facturación e axudarán á súa empresa a cumprir correctamente coas novas obrigas que van ser esixibles.