Procedemento administrativo

Nun proceso selectivo (por exemplo, unha oposición ou concurso), publicouse un acordo que afectaba a un aspirante. Ao velo, o interesado quixo impugnalo e, para preparar mellor o seu recurso, pediu por correo electrónico que lle enviasen certa documentación . Á súa vez, solicitou que lle ampliaran o prazo para presentar o recurso de alzada, apoiándose no art.32 da Lei do Procedemento Administrativo Común (LPAC), que regula a posibilidade de ampliar prazos en algúns casos.

O problema foi que a Administración lle enviou a documentación cando, segundo o cómputo legal, o prazo dun mes para interpoñer o recurso de alzada xa tería rematado (LPAC art. 122.1). Con todo, o interesado presentou despois o recurso. A Administración inadmitiuno por extemporáneo , é dicir, por chegar fóra de prazo. A súa idea era clara e era que a petición de ampliación non podía "revivir" un prazo que xa estaba vencido.

O asunto chegou ao Tribunal Supremo (TS), e o recurrente intentou combater a inadmisión usando o procedemento especial de tutela de dereitos fundamentais . Tanto a Avogacía do Estado como o Ministerio Fiscal sostiveron que ese canle non era o axeitado . No fundamental, o TS confirmou a extemporaneidade xa que o prazo do recurso de alzada é preclusivo (esgota-se) e obriga tanto aos cidadáns como á propia Administración (LPAC art. 29), e debe computarse conforme ás regras xerais (LPAC art. 30.4 e 30.5).

Ademais, o TS subliña que non existe un “ dereito automático ” a que te amplíen o prazo con efecto de suspensión, é dicir, pedir a ampliación non suspende o prazo por si mesmo nin implica que a Administración a aceptara tacitamente, porque a ampliación é potestativa e esixe valorar circunstancias (LPAC art. 32). E, neste caso, tampouco se probou que fose materialmente imposible presentar o recurso dentro do prazo. O TS remata cunha idea práctica, o prudente tería sido recurrir a tempo , ainda que faltase documentación , para non perder a oportunidade de impugnar.

Se vostede se sente perxudicado e descontento cunha decisión da Administración, os nosos profesionais poñense á súa disposición para a defensa dos seus intereses