Accidentes de tráfico

A Audiencia Provincial de Barcelona (AP) confirmou a sentenza que desestimaba a reclamación dun transportista, contra unha entidade aseguradora, polo lucro cesante que alegaba ter sufrido tras un accidente de tráfico ocorrido en setembro de 2021. O transportista pedía unha indemnización porque o seu camión , co que traballaba, estivo parado durante 58 días , período no que asegura que non puido obter ingresos .

No xuízo, con todo, os xuíces destacaron que, para poder reclamar por perda de beneficios (lucro cesante), non abonda con dicir que o camión estivo parado, hai que demostrar as perdas concretas , presentando documentos como facturas, declaracións de renda, informes, etc. Neste caso, o transportista só achegou a súa declaración da renda do 2020 e un certificado dun gremio sobre canto se adoita gañar cun camión parado. O tribunal considerou estes documentos insuficientes, sinalando que os certificados gremiais só teñen valor orientativo e que sen datos obxectivos de ingresos reais en anos anteriores non se pode calcular o prexuízo reclamado.

Ademais, a sentenza sinala que o transportista non aportou probas sobre outros anos nin xustificou a imposibilidade de facelo. Tampouco descontou da súa reclamación as posibles prestacións públicas que podería ter recibido mentres estivo de baixa, o que esixe a lei para evitar idemnizacións superiores á perda real.

Outro punto importante que valorou o tribunal foi que o camión tiña a ITV caducada e defectos graves , o que cuestionaba que realmente puidera estar traballando legalmente .

Se vostede se atopa afectado por un accidente de tráfico os nosos profesionais poden proporcionarlle o axeitado asesoramento e exercer a defensa dos seus intereses