Actos administrativos

O Tribunal Supremo (TS) resolveu un caso que xira en torno a unha dúbida moi concreta como cando alguén presenta no Concello unha comunicación previa para comezar unha actividade (neste asunto, unha actividade inocua de servizos inmobiliarios nun local), iso pódese recurrir como se fose unha decisión formal do Concello?

A historia comeza porque unha comunidade de propietarios intentou impugnar o ocorrido con esa comunicación previa. O Concello, nun acordo, “deuse por enterado” da comunicación e ademais incluíu condicións e avisos (por exemplo, pedir documentación e prever inspeccións). A comunidade recorreu, pero o Concello contestou dicindo, en esencia, que as comunicacións previas non se poden recorrer .

O xulgado do contencioso anulou ese acordo porque entendeu que o Concello mezclara cousas distintas, xa que unha cousa é a comunicación previa (que non é recorríbel) e outra diferente é un acordo municipal posterior con contido propio (ese si pode ser recorrible). Tamén anulou unha parte do acordo municipal que falaba de “condicionar a licenza”, porque para esa actividade non facía falta licenza, abondaba a comunicación previa.

Despois, o TSX de Cataluña confirmou que a comunicación previa en si non é un acto administrativo e por tanto non se recorre como tal; o recorríbel sería, no seu caso, un acto de comprobación ou control que faga a Administración máis adiante.

Finalmente, o TS confirma esa idea, a comunicación previa non é unha decisión do Concello, nin expresa nin “por silencio”, porque non hai obriga de resolver nin se activa o silencio administrativo. É un trámite do particular que permite iniciar a actividade desde a súa presentación, pero o control municipal ven despois. Se un terceiro se ve afectado , pode solicitar ao Concello que inspeccione ou controle ; e se o Concello non actúa, entón pode haber vías para reaccionar fronte a esa inactividade.

Se vostede se sente perxudicado e descontente cunha decisión da Administración os nosos profesionais poñense á súa disposición para a defensa dos seus intereses