Reparcelación urbanística

Discutíase, nun conflito bastante concreto, pero doado de entender, se un expediente de liquidación definitiva dentro dunha reparcelación forzosa (é dicir, a repartición e axuste de terreos e gastos nunha actuación urbanística) "caducara" por tardar demasiado en resolverse. Neste caso, a Administración autonómica aprobou a conta de liquidación definitiva dunha reparcelación vinculada á execución dun sector do plan xeral do concello. O problema chegou cando pasaron máis de 3 meses entre o inicio do expediente e a emisión da resolución, e ademais houbo unha demora prolongada na súa notificación. Por iso, as persoas afectadas impugnaron a actuación dicindo, en esencia: "isto caducou, polo tanto non vale, e devolvedenos o pagado".

O Tribunal Superior de Xustiza (TSX) deulles a razón. A súa idea foi que como se trata de um procedemento iniciado de oficio pola Administración, aplícase o prazo xeral de 3 meses para resolver; se se supera, procede a caducidade do expediente e, en consecuencia, a devolución das cotas ingresadas (citando a L 39/2015 art. 23.1 e 25.2).

A Administración autonómica recorreu ao Tribunal Supremo (TS) e defendeu o contrario, que isto non é un “procedemento administrativo común” independente, senón unha actuación integrada dentro do proceso de reparcelamento , e que por tanto manda o prazo específico urbanístico de 5 anos desde a aprobación da reparcelación (RGU art. 128 e 129).

O TS estima o recurso argumentando que non se aplica a caducidade do procedemento xeral, porque a liquidación definitiva forma parte do proceso reparcelatorio e non é un procedemento autónomo. Ademais, matiza algo importante, como é, incluso se se incumple ese prazo de 5 anos, iso sería un irregularidade non invalidante , isto é, non anula automaticamente o acto. Por iso, o TS anula a sentenza anterior e ordena retrotraer as actuacións para que se dite unha nova resolución.

Se vostede se sente prexudicado e descontente cunha actuación urbanística os nosos profesionais poderán asesorarlle na defensa dos seus dereitos