Estranxeiría

O Tribunal Supremo (TS) anulou unha parte do Regulamento de Estranxeiría que obrigaba ás persoas físicas a realizar determinados trámites únicamente por vía electrónica . En concreto, deixa sen efecto o art.197.2 do Regulamento de Estranxeiría (RD 1155/2024), porque impoñía como canal único o electrónico para solicitudes e actuacións en procedementos de estranxeiría, sen ofrecer unha alternativa real para quen non poida ou non saiba usar medios dixitais.

A idea principal da sentenza é sinxela, a Administración pode impulsar e facilitar o telemático , pero convertelo na única porta de entrada exixe unha xustificación forte e concreta, e aquí non se deu. O TS considera que falta habilitación legal suficiente e, sobre todo, unha motivación clara que explique por que é razoable obrigar “a todas” as persoas físicas afectadas a relacionarse só de forma electrónica, como se todas tiveran os mesmos medios, coñecementos e acceso a internet.

Ademais, o TS pon o foco na proporcionalidade , non basta con dicir que o dixital é máis áxil ou eficiente para eliminar por completo outros canles. Se se pecha a vía presencial (ou outras formas de presentación), a medida pode resultar desproporcionada porque o prexuízo para quen teñen dificultades dixitais pode ser moi alto.

Tamén advirte dun risco relevante, a exclusividade electrónica pode xerar unha discriminación indirecta , xa que a “brecha dixital” afecta máis a certos perfís (por falta de recursos, habilidades ou acceso), e iso pode traducirse nun trato desigual no acceso aos procedementos administrativos.

Na práctica, a consecuencia é que unha persoa física non debería quedar forzada a tramitar exclusivamente en liña as súas xestións de extranxeiría por esa previsión regulamentaria anulada, e o TS deixa aberta a porta a futuras obrigas electrónicas , pero só se están ben xustificadas e respectan igualdade e proporcionalidade.

Consulte aos nosos profesionais en asuntos de extranxeiría, inmigración, situación irregular, etc., para trámites e actuacións que poidan derivarse de ditas situacións