Procedemento contencioso administrativo

O Tribunal Supremo (TS) analiza un caso no que unha Administración amplía un embargo sobre un inmoble que considera privativo do devedor, pero a outra parte (o cónxuxe) sostén que a finca en realidade é ganancial , é dicir, do matrimonio. Neste contexto, impúgnase unha resolución que había desestimado un recurso de alzada contra esa ampliación do embargo.

O punto clave non está tanto no embargo en si, senón en como se notificou a resolución administrativa . O TS aprecia que a notificación non se fixo correctamente porque se practicou nun domicilio que non era o correcto para a interesada. E isto non é un simple “fallo formal” xa que se unha notificación non chega como debe, o afectado pode non enterarse do acto e, polo tanto, non pode defenderse a tempo. En palabras do propio enfoque do TS, hai “falta de notificación” e, por iso, o acto non pode producir os efectos que dependen desa notificación (por exemplo, que comece a correr prazos e se peche o acceso á xustiza).

Por iso, aínda que o recurso contencioso-administrativo se presentou case 10 anos despois , o TS considérano admisible xa que non se acredita que a interesada coñecese a resolución por outras vías, nin que o seu descoñecemento se debese a falta de dilixencia. Ademais, o TS recalca unha idea importante como é que exista a opción de entender desestimado un recurso por silencio administrativo non substitúe o deber da Administración de resolver e notificar de forma expresa, e quen espera unha resposta expresa non debe saír prexudicado por ese incumprimento. Todo iso conéctase co dereito fundamental á tutela xudicial efectiva.

Se vostede se sente prexudicado e disconforme cunha actuación administrativa, os nosos profesionais poderán asesorarlle na defensa dos seus dereitos