Contratos administrativos

O Tribunal Supremo (TS) resolveu unha cuestión importante sobre o tempo que ten a Administración pública para Pagar as facturas cando contrata servizos con empresas privadas. Todo comezou cando unha empresa reclamou intereses de demora porque a Administración tardou en pagar as súas facturas, entendendo que debía pagalas en 30 días dende que presentaban a factura. Sen embargo, a Administración defendía que o contrato daba un prazo máximo , de ata 60 días, porque incluía un procedemento interno para comprobar e aceptar as facturas.

Na primeira instancia , o Tribunal Superior de Xustiza (TSX) deu o razón á empresa e recoñeceulle o dereito a esos intereses polo atraso, dicindo que o prazo especial só se pode aplicar se está ben xustificado e non abonda con facer referencia de forma xeral á normativa de contratos públicos. Non obstante, a cousa non quedou aí, xa que a Administración recorreu e, finalmente, o TS deulle a razón.

O TS considera que, neste tipo de contratos, as partes (empresa e Administración) poden pactar un procedemento de pago diferente ao legal sempre que non sexa abusivo nin perxudicar os intereses xerais. É fundamental, iso si, que este procedemento apareza claramente no contrato e cumpra cos límites que marca a lexislación europea , o prazo normal non debe superar os 30 días, salvo casos excepcionais que poden chegar ata os 60 días, pero só se están debidamente xustificados (como tamén dixo o Tribunal de Xustiza da Unión Europea, TXUE).

Polo tanto, se o contrato prevé un sistema de validación e aceptación de facturas que pode durar máis de 30 días, este réxime é válido e hai que respectalo. Iso si, sempre que non supere o permitido pola lei nin cause abusos. Así, non se poden reclamar intereses por atraso dende a simple presentación da factura se non se rematou o proceso de validación previsto no propio contrato.

Os nosos profesionais poden asesoralo e afrontar todas as cuestións relacionadas coa contratación coa Administración